Azkenean, bere aitzinkontüak trenkatü dütü Atharratzeko Kontseilüak. Eüskal Hirigüne Alkargoaren eta herrietako esküdüntzen partekatzeak beranta ekarri züan. Aurteko kontü horietzaz, azpimarratzekoa da herriak bere zorpetzea ttipitzen düala, eta, diharützaren gaintitik, plomatzea kausitzen. Horri esker herriko alkarteak orai arte beno haboro lagüntüren dütü (Maule-Lextarreko herriak apaltü dütüalarik) eta diharüsartzea ere goratü dü. Bestalde, martxo erditan jin zen errefüxiatü familiari batzarri egitea izigarri ontsa igaran da, bai errefüxiatüen bai eta lagüntzaleen aldetik ere. Orotara, 30 bat jentek beren lagüngoa ekarten deioe Siriako bikoteari eta beren haur gazteari. Arnaud Villeneuve aüzapeza :

Gabadi, Domintxine eta Barkoxeko oilo eta ahaterik ez da eho! Alta, sanotzebide zerbütxüek edo «  services sanitaires » delakoek egün eramaitekoak zütüen hegaztiak. Jentearen igitze handiari esker ez da halakorik agitü, eta zerbütxü horietakoak gibelerat egin düe. Goizalde erreüsa izan da, bereziki Gabadin.Haatik, 3 etxalte horiek hazkuntzen jarraikitzeko baimen berezirik ez düenez, ahateen ehaiteko arrajiten ahal dirateke sanotzebide zerbütxükoak, ondoko egünetan. Xehetarzünak Panpi Sainte-Marierekin:

Irakurri gehiago ...

Maiatzaren lehena arrakastatsüa izan da Maulen. Kasik 300 bat jentek ihardetsi deioe hainbat alkartek egin deiari. CGTren alkarretaratzean eta manifestaldian 100 bat pertsona bildü bada, Anti linky, LAB, etxarri kolektiboa, BDS, Xiberoots eta Zinkak deitütakoan kasik 200 bat. Xiberoots taldeak kamiu batetarik erauntsi dü karrika üngürü osoan, eta ürrentzean hamar bat lagün dolütan ageri ziren, beltzez beztitürik, hilkütxa baten eramaiten ari "demokrazia » idatzirik züalarik gainen.
Arño Aizaguer LAB sindikatakoa

"Linkyrik ez » alkarteak jentaitzineko bilküra bat antolatü dü ostirale arratsez, Hauzen. Oritaraz dezagün Linky dela 2018.urteala baiko, denetan zabaltü nahi düen kontagailü konektatüa. Alta, Frantzia osoan jadanik 400 bat herri horren kontre agertü dira, eta Xiberoan bertan ere 5 dira : Atarratze, Liginaga, Lexantzü, Etxebarre eta Ozaze. Apirilaren 10ean, Hauzeko Kontseilüan bilküra beitüe, Linky kontagailüa aipageietan date, eta deliberatüko düe hau errefüsatzen düenez ala ez. Halere, herritar haboroen artean lehenago aipatü gei düe.
Pierre Carricart Hauzeko aüzapeza :