Film gaüaldi bat antolatzen dü Mauleko Zinka ostatüak (2016/11/24). Frantziako estatuaren "état d’urgence’ edo salbüespenezko egoeraren urtebürüaren markatezko. Gogozkatzez egitea erabaki düe eta hortarako bi dokümentaletan hoinarritüko dira. Arratseko 8-etan “La strategié du choc” dokümentala eta 9ak eta 15etan « Les flics, (tout le monde déteste la police ?) » dokümentala. Horier soegin ondotik jenteak elestatzera eta eztabadakatzera kümit dirate. Edateko eta berek egin "pop corn" delakoa badateke.
Zinka alkarteko Iulen Guiresse :

Dagün igantean, azaroaren 20an, izanen da esküinaren primarioen lehen ützülia ; 7 haütageiren artean haütatü beharko dira bigerren ützülialako bi lehiakideak. 116 bozka bülego badate departamentüan, Xiberoan 3 günetan botza emaiten ahal datekealarik. Basabürüarentako Atharratzeko Herriko Etxean eta Petarrarentako aldiz Mauleko Zerbütxügünearen Irati bilgian. Goizanko 8etarik arratseko 7ak arte zabalik dirate eta bozka dener zabalik da. Parte hartzeko beharko da nortarzün ageria erakutsi, esküinaren eta zentroaren peretxuen edo baloreen hitzarmena izenpetü eta azkenik 2 euro pakatü. Igante arratsean 7etarik goiti zonbakatzea eginen da eta emaitzak segidan Pariserat igorriko ; Bi oren beitüküe haütageiek, dei egiteko sekülan arau hauste zerbait salatürik bada.
Olivier Carasco :

Esküineko primarioen lehen ützüliaren ondotik, Alderdi Sozialistak bere ikusmoldea plazaratü dü Frédérique Espagnac senatari sozialisteren bidez. Bere ustez, bozkazaleek, Nicolas Sarkozy, kanporatü nahi izan düe eta ez da uste üken behar Fillon-en programarekin ados direla denak! Bere programa oso gogorra da, erretreta 65 urteretan, 600 000 kargülant edo funtzionario gütiago, 39 orenetako lan astea eta orano ere homosexualen ezkontzaren kontre… Hots, Alderdi Sozialista beharko da bildü, lehenik primarioen antolatzeko dagün urtarilan eta ondotik haütatüko düen haütageiaren aküilatzeko. Frederique Espagnac :

Aste bat barne bigerren etxe bat sütan joan da Xiberoan! Aldi huntan Mitikilen, herriaren sargian den etxe batetan, süa abiatü da bizigia batetarik. Deiadarra emanik izan da goizanko oren bakotxa eta erditan eta astelehen egüerdi arte sü ehaileak egon dira dena segürtatu arte. Bi familia bizi ziren hor, eta süari ezkapi ahal izan dira. Denak alojatürik izan dira beren familietan. Mitikileko herria ari da antolatzen familien alojatzeko herrian berean eta behar dütüen arropa eta tresneria biltzen.
Lagüntza ekarteko xehetarzünak galtegin behar dira Herriko Etxean: 05 59 28 42 76zenbakiala deitzez.
Jean Michel Prat auzapeza :