Mauleko kabale hiltegia zerratü da , astearte goizan, prentsan agertü bideoaren ondorioz !
L214 izena düan alkarteak , plazaratü dütü hiltegian hartü bideok non ere kabaleak gaixki tratatürik diren,  bideo horiek erakusten düe, 2 hilzaleek ez düela legea errespetatzen.
Harritürik batü dira, Mauleko mera eta hiltegiaren ardüradünak.
 Gérard Clémente züzendariak , ez dü hitzik atzaman langileen egiteko maneraz eta atzo 2 ak lantegitik  baztertürik izan dira.
Alta, Mauleko hiltegiak fama huna dü bazter oroetan eta 2 langileen gatik orai arte eraman lana zankazgoratü dela dio züzendariak.
Kabale hiltegia zerratürik, prefetak hartü dü afera bere gain, inkesta bat eramanen da, arte hortan kabale hiltegiaren erabilzaileek  beste elkibide bat atzaman beharko düe.
Stephane le foll laborantxa ministroak ere salhatü dü eta prefetari galtegin deio kabale hiltegiaren zerratzea.
Mixel Etchebest Mauleko mera:

Sohütako eliza üngüruüan lan zonbait hasiko dütüe, üda hontarik aintzina. Horien aipatzeko bilküra pübliko bat antolatürik zen Astelehen gaüan, Sohütako herriko etxean.
Milioi bat euro eterdi inbestitürik izanen dira lanetan. Lan horien artean : ebi erauntsiko hurren biltzeak, trotoir edo espaloien ezartea, argitze püblikoen ezartea, berdegüneen berritzea, bide edo garraioen antolaketa, aparkatzeko leküak, eta ibiltariendako segürtamen lanak.
 Bestalde bizikletentako bideen lantzen ari dira, bena Maule ta ondoko herriekilan ikusi behar düe orano.
Christelle Mange Sohütako mera :

Xiberoa herri alkargoaren aipagei nausia izan da aitzin büdjeta eta honekin joaiten diren xedeen bozkatzeak, orrotarat 40 deliberazione bozkatürik izan da bilküran!!
Aurtenko aintzin kontüan, 6 miliu euro iganik funkzionamentüan eta 3,6 miliu inbeztizamentüan .
Bestalde , sos lagüntzak bozkatü dira bedera bedera eta hor da hasi eztabada oposizioarekin , bereziki turisma bulegoa eta ODACE alkarte ekonomikoak galtegin düana ez delakoz honartürik izan. Ondorioz, büdjetaren bozkaldian 10 botz kuntre izan da.
Beste eztabada izan da ondarkinen sistima berriaz ,  bilan bat egin da  eta arrenkürak balinbadira ere, emeki emeki jenteak ari dira kostümatzen eta behesketari ontsa lotü direla erranik izan da. Oposizioak  berriz, Arnaud Villeneuve, Atarratzeko meraren   bidez , salhatü dü kudeantza , izigarri kario,  oso txarra eta gaixki eramanik zela erranez.
Arnaud Villeneuve:

EPCI edo herri elkargo bakotxaz eztabaidek jarraikitzen düe.
 Aintzineko ostiralean 2. Mintzaldia antolatü dü Batera plataformak. Omizepean EPCIa eta ekonomia aipatürik izan da, lehen mintzaldian aldiz laborantsaren inportantzia EPCI berri hontan aipatürik izan zelkarik.
Mintzaldi horietan orhitarzirik izan da badela 20 urte beno haboro Garapen eta Hautetsien kontseilüa sortürik izan zirela, eta Ipar EH heinean egitüratzeko lanetan ari direla.
Dagün mintzaldia martxoaren 23an hots ondoko asteazkenean date Altzürükün. Hor Xiberoan leküa EPCI herri elkargo bakotxan date aipageia.
Dominika Bosk herri elkargo bürüa eta Nicolas Blain haütetsiak hor dirateke honen barnatzeko.
Baterak eramaiten düan lanaz püntü bat egin dügü Leoni Aguergaray Muskildiko auzapez eta Baterako kidearekin :