Batera plataformak  Xiberoko herrien ützülia ürrentü dü Barkoxen igante egüerditan.
10 egünez Xiberoko 36 herrietan xehetarzünak emanik izan dira, EPCI edo euskal herri alkargoa bakotxaz.
Utzüli honen bilana egin da Barkoxen,40 bat  herritarren aitzinean eta oso baikor izan da; jenteak interesa erakutsi dü, galtoak eginik izan dira eta düdak ere agertü dira.
Informazio banatzeak jarraikiko dü orano , herriko kuntseiluer dokümento bat emanen zaüe herriko kuntseiluan bozkatü beno lehen, bozka eginen delarik martxoaren 15 etik goiti.
3 mahain üngürü eginen dira Xiberoan ondoko egünetan, lehena ostirale hontan Liginagan, geia EPCI eta laborantxa, Jean Claude Iriart departamentüko kuntselera  eta Michel Berocohirigoin-ek parte hartüko düe.
Patrick Queheille baterako kide:

Xiberoa, herri alkargoako biltzarraren aipagei nausia izan da 2015 eko kontüen honartzea eta 2016 eko lehentarzünaren aipatzea.
2015 eko büdjeta ontsa zaintürik izan da, uste beno hobeki ere, alde batetik ustegabeko sos sartzeak izan direlakoz eta bestaldetik , zerbütxü esberdinetan ekonomiak egin direlakoz.
Halerik ere , ikusten da sail zonbait sos galtzetan direla , haurzaintegiak eta ere pizina horien artean.
2016 an , inbeztizamentüek jarraikiko düe ; laborantsa etxalteen mintegia (pépinière), Maule eta Atarratzeko osagarri etxeak eta ere zerbütxü güneen arra freskatzea.
Bestalde, eskolen zerratze mehatsüa aipatü da ; hautetsiek erabaki düe prefeta , depütatü eta senatariaren gana joaitea.
Azkenik , alkargoako haütetsi zonbaitek beren arrenküra plazarratü düe , Axuri koperatiba eta Mauleko abatoir aren arteko güdükan. Galtegin düe haütetsien arteko lan talde baten plantatzea ,afera horri elkibide baten atzamaiteko.
Horiek orro aipatzen dütü lehendakari orde den Jean Peie Iriartek:

Mauleko herriko 2 langileen kuntre , Michel Echebest, herriko merak eman gaztigüak aztertü dira lehenik departamentuüko diziplina kuntseiluan eta ondotik Akitaniakoan.
Lana ez behar bezala egitea eta ere errespetü eskazaren gatik, hona Mauleko merak emanik izan ziren gaztigüak :  langile bati , 5 egüneko kanporatzea hilabete sarik gabe eta besteari 3 egüneko kanporatzea hilabete sarik gabe.
Ondorioz , departamentüko diziplina Kuntseilüak  gaztigüa ezeztatü züan ez zelakoz jakilegoarik , halerik ere gaztigüa etxeki züan mauleko merak. 
Azkenik dei egin ondoan, Akitaniako  diziplina kuntseiluak  erabaki dü gaztigüa azkarregi zelakoz abisü bat emaitea 2 langiler gaztigü horien ordez.
Cgt sindikatak lagüntza ekarri deie eta jüztizia emanik izan dela  erran dü Louis Labadot langileen süstengazaleak:

EPCI edo HELEP herri elkargo bakotxaz  jenteari xehetarzünaren emaiteko, Barantailaren 19tik goiti Batera mogimentüaren autobüsak Xiberoko itzülia eginen dü.
Xiberoko herri orotan igaranen da autobüsa. Hontan, bideo bat ikusgei eta Batera mogimendüko kideak izanen direlarik. EPCIaz eztabada hautetsien artean batü delakoz, BATERAk jente oroer informazionearen zabaltzera dü xedea. Ostirale hontan abiatürik Barantailaren 28arte Xiberoan dirateke.
Bestalde, Martxoan 3 mintzaldi antolatüko dütü : EPCIa eta laborantxa ; EPCIA eta ekonomia , eta azkeneik Xiberoa EPCIan.
Baterako kide den Patrick QUeheille-ekilan: