Etxe ekoizpen merkatüa antolatüko dü Ürdiñarbeko herriak üztail eta agorrilako igante goiz oroz. Herriko Etxea, alkarteak, besta batzordea alkartü dira xede horren bürüala eramaiteko. Xede honek bi helbüru badütü, alde batetik Xiberoko etxe ekoizpen egileer salgüne berri baten eskentzea eta eroslearekin ekoizpenaz xüxenka mintzatzea, bestetik, animazio baten sortzea herriari bizi emaiteko. Merkatü hortan parte hartzeko interesatürik diren ekoizleak, Ürdiñarbeko Herriko-Etxearekin hersatü behar dira.

Entzün Arño Berrogain Larretxart Urdiñarbeko aüzapeza : 

Aurten negüa lüze eta denbora txar izan da Iratin, elür izan da bena elür sobera ! Halere, hanko langileek eraman düen lanaren medioz, urtea aski hon izan da. 2012an, "Etxolen" betatze eta erreserbazione aski hon izan dira, iragan urtean beno hobeago. Azpimarratzeko, jiten diren turistak %80  Hego Eüskal-Herrikoak dira. Orai, elürra hur dadin eta bedatsia jin dadin haidürü dira ! Üda hontako lehen erreserbazioniak emanik izan dira eta sürprisa hona izan da krisa ez beita batere senditzen !

Entzün Josie Arrossagaray Iratiko güne turistikoaren ardüradüna : 

Emazte bikote batek, espartiña enpresa sorkuntza bat egiten dü Xiberoan ! 26 urteko bi emazte, Charlotte Saunier eta Audrey Haspérue ARSENE SARL enpresa sortü düe. Biak xiberotarrak dira, espartiña ontsa ezagützen düe eta behar bat senditü düe modako espartin berri elibaten sortzeko. Oihalak eta mota bereziak dira, espartinak MEGAM enpresan eginaraziko dütüe. Beren estüdioak eta lanak baztertü dütüe projektü eder horren eramaiteko. Beren sorkuntzak edirenen dütüzüe "WWW.arsene-shop.com" webgünean.

Entzün Charlotte Saunier ARSENE enpresa berriko bürüa : 

Bil Ta garbi zindikateko animazailek, larrazkeneko bilkürak bedatsealat aitzinatü dütüe. Urte oroz, informazione eta oharren biltzeko xiberoko ondarkinen kudeatzeaz, bilkürak antolatürik dira xiberoko herri ezberdinetan. Aitzinatze hau horra da, kexa hoilietan bitria ez beitate haboro bildürik üztailatik harat. Beste aipageietan, ondarkinen biltzeaz püntü bat eginen da, ondarkinak zer bilakatzen diren, gütitzeko eramaiten diren ürratsak eta beste. Hitzordüak dira apirilaren 2an arratseko 19.00tan Mauleko Zerbütxü günean, 4an Atharratzeko Etxahun gelan 19.00tan, apirilaren 8an Urdinarben 20.00tan Herriko gelan eta azkena 9an Barkoxen arratseko 20.00tan Patronaje gelan.

Entzün Maite Davant Bil ta Garbiko animazailea :