- Laborantxa / Üngüramena
- Agerraldiak: 2768
FNSEA sindikata auziperatürik
Diskriminazio sindikala izan dela honetsi dü Claudie Viaud, Tolosako proküradore ordeak, Tolosan egin den FNSEA sindikataren auzian. Horrez gain, 100000 euroko ixüna galtegin dü Coopéval kooperatifaren kontre eta 3000 Jean Claude Labit haren lehendakariaren kontre. Beste 100000 euro bakotxari galdegin dü, sosa üken züen hiru "Zereala Ekoizle Sindikater". Kooperatibaren bidez altxatürik den legarrarekin, laborariek FNSEA sindikatari kotizazionea jakin gabetarik pakatzen düelakoz, auzibidea zabaltü züen Confédération Paysanne eta Coordination Rurale laborari sindikateek. Bi sindikat horiek damü-domaiak galtegin dütüe, lehena 300000 euro, bigerrenak aldiz euro sinbolikoa. Epaileak urtarilaren 28an emanen dü bere deliberoa.
Entzün Jacques Bonati FNSEAko auzia jarraiki düana :
Bazkeen prezioarengatik eta Ossau-Irati sormarkaren agintzen kanbiamenen gatik, "Bortüa eta Ordokien arteko gehigarritarzüna" azkartü beharko da. Jadanik, Ossau-Irati sormarkaren eremütik kanpoko ardail eta lüzernaren kantitate erostea mügatürik da eta 2018an enzilaje emaitea ezne sasu denboran debekü izanen da. Hots, Ossau-Irati sormarkaren eremüan lantatürik bazkeen beharra azkarki emendatüko dela ikusirik da eta hortarakoz barne merkatü berri bat antolatüko da. Azken 5 hilabeteetan, Jean-Baptiste Engelvin Tolosako Purpan eskolako ikasle gazteak eraman düan lanaren araberan, gehigarritarzünaren hedatzeko, heben saltzen diren bazkeen kalitatea bermatü behar da eta salerospena hobeki antolatü beharko da.
Ossau Irati sormarkak ezagütpen eskaza dü Frantses merkatüan. Inkesten araberan 10 konsumitzaileetarik 3ek baizik ez düe sormarka ezagützen. Promozione azkarra egin bada ere azken hiru urteetan, ber denboran sormakako gaznaren salmentak ez dira kasik emendatü ere. Ezne ekoizleak damützen dira, gazna egileek ez beitüe sormarkaren azkartzeko ürratsik egiten. Ondorioz, heben egiten diren 4 gaznetarik salbü bat sormakakoa da. Hola izanik ere, hiru urteko kanpaina berri baten egiteko adostü dira Itsasun egin den Ossau-Irati sormakaren Biltzar Nausian. Telebixtan edo informazioaren teknologia berrietan, ildo güziak aztertüko dira.
Miliuka txori igaran dira azken hiru hilabete horietan. Urte oroz, txori horiek ber bidea hartzen düe hegoaldeala joaiteko. Organbidexkatik Ürrüña artino 2 miliu eterdi txori kuntatü dira, gehien bat Ürrüña, Sara, Banka eta Arnegitik. Aldiz saien aldetik, ülantxak, apobelatzak, saiak eta kürloak milaka kontatü dütüe Organbidexkan.
Xiberoko AXURIA Koperatibak 30 gerren biltzar nausia egin dü Larrainen. Iragan sasuan axuria ontsa saldü da 4 euro kiloa bata bestekoa eta behikiaren merkatüa azkartzen ari da. Biltzar nausiaren denboran baliatü da Koperatibaren ibilbide lüzearen aipatzeko bai eta ere, Michel Arhantcet-ek 30 urtez lehendakari egon ondoan, bere kargüa ützi deio Peio Quihillalt Ligiko laborari gazteari.