Atzoz geroztik Xiberoan da Marc Alliet Baiona, Lescare, eta Olorueko diosesaren apezküpüa. Kiristinoen ganat joanen da hebentik aitzina igantea artino, bena ere politika, ekonomia, kültüra eta sozial sailetako jenteen ganat. Helbürüa dü herritarren oharren biltzea eta elizaren mezüaren zabaltzea. Anartean bere ikusmolde gilbelkoïarentako ezagütürik den apezküpüa ministro baten gisan errezibitürik da.
Marc Alliet apezküpüa :

Irakurri gehiago ...

Ezkerreko oposizioko zerrenda bateratü baten sortzeko deia zabaltü düe püblikoki astelehenean, Jacques Herrera, Christian Espinoza, Christian Faure eta Battitte Jaury, Xiberoko sozialista alderdiko lau kide edo adixkideek. Dei berri honen egileak damütü dira, iragan ürrietaren 3an, Maulen alderdi komünistak eta ezkerreko fronteak egin züen « Union Citoyenne » kolektiboaren biltzar püblikoan, sozialistek, ezkerreko indar güzien batarzünaren egiteko zabaltü züen deia ez dela entzünik izan eta « Union Citoyenne » kolektiboak bere aldetik zabaltü züan zentzü bereko deia aldiz, ez zela honartgarria gehitü düe.
Christian Espinosa eta Christian Faure sozialistak :

Irakurri gehiago ...

Asteazken hontarik iganteala, Baionako diosesako Marc Alliet apezküpüa Xiberoan dateke, Mauleko paropiaren bijitatzeko. Asteazken goiz hontan, kateximako haurren ganat joanen da, eta Eskiulako elizan eginten diren obren ikustera joanen da. Arrestitan, meza emanen dü Mauleko adinetakoen etxean eta gaüan haütetsiekin bildüko da. Ostegün goizan Oskaxeko ürzo saretegian iraganen da eta Axuria kooperatifako kideekin bildüko da, axurkia txestatü aitzin. Arrestitan Spi Aero enpresa eta Epicerie Sociale delakoa bijitatüko dütü. 18.30etan meza emanen dü Maule Gaineko elizan eta ondotik kültür sailako ordezkariekin bildüko da. Ostiral goizan meza emanen dü 8.30etan Urdiñarbeko elizan. Ondotik San Frantses eta Jeanne d’Arc ikastetxeak bijitatüko dütü. Arrestitan Chaumes gaznakagia bijitatüko dü eta espartin egileen ganat joanen da. Gaüan paropiako lagüntzaileekin bildüko da. Neskenegünean, meza emanen dü 8.30etan Ezpeizeko elizan, Mauleko merkatüan iraganen da, eta Ahüzkin bazkaltüko da. Arrestitan kirol mündüko jenteekin bildüko da eta gaüan Pitzgarriko kideekin. Azkenik igantean, meza emane dü Mauleko elizan 10.30etan.

Auzi bide gehienak galdüak izanik ere, Xarrikota Peko Terre verte elkarteak ez dü zeditü nahi ! Sei urte badira orai Terre verte elkartea oldartzen dela  Bil Ta Garbi sindikatak Xarrikota Peko Mendixka günean eraiki nahi düan ondarkinen lürperatze eta tratagünearen kontra. Arte hortan hain bat auzi bide ideki zütüan eta gehienak kontra agertü zaützo. Orano biga zabalik baratzen badira, haleik ere ,tratamentü günearentzat egin behar diren lanak aitzina joaiten ahal dira.
Jean Bernard Serbielle alkarteko lehendakaria :

Irakurri gehiago ...